LA LIGA: BARCA YAPIGWA NOU CAMP!

LA LIGA sasa ni mshikemshike kweli baada ya Leo Valencia kufanya kweli Uwanjani Nou Camp na kuichapa Barcelona Bao 3-2 na kuwaweka Mabingwa hao kwenye njia panda maana Jumapili Atletico Madrid au Real Madrid zina nafasi kubwa kuwapiku uongozi wa Ligi.

+++++++++++++++++++++++++++++++

MSIMAMO-Timu za Juu:

NA	TIMU	P	W	D	L	F	A	GD	PTS
1	FC Barcelona	22	17	3	2	59	16	43	54
2	Atletico de Madrid	21	17	3	1	52	14	38	54
3	Real Madrid CF	21	17	2	2	60	21	39	53
4	Athletic de Bilbao	21	13	3	5	41	27	14	42

+++++++++++++++++++++++++++++++

 

Barca walitangulia kufunga Bao katika Dakika ya 7 Mfungaji akiwa Alexis Sanchez na Valencia kujibu na kupiga Bao mbili katika Dakika ya 44 lililofungwa na Parejo na Dakika 4 baadae kupitia Pablo Piatti.

Barca walisawazisha kwa Penati ya Lionel Messi na hilo ni Bao lake la kwanza baada kutofunga katika Mechi 3 lakini Paco Alcácer, katika Dakika ya 59, aliipigia Valencia Bao la 3 na kuwapa ushindi.

Barca walimaliza wakiwa Mtu 10 baada Jordi Alba kupewa Kadi ya Njano ya pili kwenye Dakika ya 78 na kutolewa nje kwa Kadi Nyekundu.

Ukiiondoa Real Madrid, Valencia imekuwa Timu ya kwanza kuondoka Nou Camp bila kufungwa tangu Oktoba 2011 Sevilla ilipopata Sare ya 0-0.

Matokeo haya yameiacha Barca uongozini ikiwa Pointi 54, sawa na Atletico Madrid, lakini Atletico wana Mechi moja mkononi ambayo watacheza Nyumbani kesho Jumapili na Real Sociedad wakati Real Madrid, walio Pointi 1 nyuma ya Barca na Atletico, pia watacheza Jumapili Ugenini na Athletic Bilbao.

Atletico na Real zina nafasi nzuri kuitungua Barca toka kileleni.

VIKOSI:

Barcelona: Valdés, Dani Alves, Alba, Busquets, Piqué, Mascherano, Xavi (Iniesta - 65'), Fábregas (Tello - 77'), Messi, Sánchez, Pedro

Akiba: Iniesta, Pinto Colorado, Bartra, Song, Tello, Adriano, Sergi

Valencia CF: Alves Carreira, Barragán, Bernat, Fuego Martínez, Moreira da Costa, Mathieu, Feghouli, Romeu, Alcácer García (Vargas - 73'), Parejo Booked (Herrero Javaloyas - 93'), Piatti (Nicolás Cartabia - 87')

Akiba: Vezo, Gonçalves Oliveira, Guaita, Vargas, Herrero Javaloyas, Nicolás Cartabia, Portugués Manzanera

RATIBA/MATOKEO:

[Saa za Bongo]

Ijumaa Januari 31

Granada CF 1 Celta de Vigo 2

Jumamosi Februari 1

FC Barcelona 2 Valencia 3

Levante v Rayo Vallecano

Getafe CF v Real Valladolid

Malaga CF v Sevilla FC

Jumapili Februari 2

Elche CF v UD Almeria

Real Betis v RCD Espanyol

Atletico de Madrid v Real Sociedad

Athletic de Bilbao v Real Madrid CF

Jumatatu Februari 3

Villarreal CF v Osasuna