EUROPA: JUVE, BENFICA, BASEL, PORTO NUSU FAINALI?

MECHI za Marudiano za Robo Fainali za EUROPA LIGI zitachezwa Alhamisi Aprili 10 Usiku na Mabingwa wa Italy Juventus na Benfica ya Ureno ndio Timu zitakazocheza Nyumbani huku zikiwa na ushindi mwembamba wa Ugenini wa Bao 1-0.

>>LYON, VALENCIA, SEVILLA, AZ ALKMAAR KUPINDUA VIPIGO?

EUROPA LIGI

Robo Fainali

[Mechi zote kuanza Saa 4 Dakika 5 Usiku]

Marudiano

Alhamisi Aprili 10

[Kwenye Mabano Matokeo Mechi ya Kwanza]

Juventus FC – Italy v Olympique Lyonnais – France [Juventus Arena] [1-0]

Valencia – Spain v FC Basel 1893 - Switzerland [Estadio Mestalla] [0-3]

Sevilla FC – Spain v C Porto – Portugal [Estadio Ramon Sanchez Pizjuan] [0-1]

Benfica – Portugal v AZ Alkmaar – Netherlands [Estadio da Luz] [1-0]

FC Basel ya Uswisi itajikita huko Spain kucheza na Valencia ikiwa na ushindi mnono wa Bao 3-0 wakati Klabu nyingine ya Spain, Sevilla, ikiwa Nyumbani itatakiwa kukomboa kipigo cha Bao 1-0 toka kwa FC Porto ya Ureno.

Juventus wako kwao Juventus Stadium Jijini Turin kurudiana na Olympique Lyonnais ya France huku wakiwa na Bao 1-0 kibindoni.

Nao Benfica watakuwa Nyumbani Estadio da Luz wakilinda Bao 1-0 waliloifunga AZ Alkmaar – Netherlands Wiki iliyopita.

Washindi wa Mechi hizi watatinga Nusu Fainali ambayo Droo ya kupanga Mechi zake itafanyika Ijumaa Aprili 11 huko Nyon, Uswisi.

SAFARI YA TURIN

ROBO FAINALI: Mechi Aprili 3 & 10l

NUSU FAINALI: Droo Aprili 11, Mechi Aprili 24 na Mei 1

FAINALI: Jumatano Mei 14, Juventus Stadium, Turin, Italy